E themeluar në vitin 1994 në Suharekë, Kosovë, Frutex filloi si një biznes familjar i pijeve dhe u bë njëra ndër kompanitë e para drejt tregut ndërkombëtar. Në vitin 2006, kompania Frutex lansoi në treg pijen energjike Golden Eagle, ndër pijet e para të këtij lloji në Kosovë.
Në vitet që pasuan, përkushtimi ynë ndaj ndryshimeve dhe ofrimit të shumëllojshmërisë së pijeve në tregun vendor nuk u ndal dhe në vitin 2010 lansuam brendin e pijeve Relax, duke ofruar një gamë frymëzuese shijesh.
Në vitin 2015, ndërsa të gjithë po përballeshin me sfidat e problemeve ekonomike, ne themeluam Fondacionin Golden Eagle, për të krijuar një ndryshim pozitiv në komunitetet e prekura. Pas përpjekjeve dhe punës në prodhimin e lëngjeve të frutave, në vitin 2018 ne arritëm të investojmë në plantacione. Suksesi në këtë investim të rëndësishëm për ne, bëri në vitin 2020 të arrijmë prezantimin e pijeve Natyral 100%, pije natyrale nga 100% fruta.
Sot, Frutex është një nga eksportuesit më të rëndësishëm nga Kosova, me mbi 200 të punësuar dhe eksport në mbi 30 vende në botë, me një fokus të vendosur në zgjerimin e shtrirjes globale.